Beitrag von Roger Kalt, publiziert am 2009-03-07T19:37:00
Liebe Oskar, sit vele Johre besch Du bei eus Jungradler Leiter. Du zeigsch eus ed nome wieme cha schneller velofahre, sondern au wa me soscht no alles cha mache met em Velo. Du besch emmer do, wenn’s di brucht. So wenns umd Chleider oder ums oder suscht öppis goht.
Lauft e Rädli mol nüme ganz Rund, denn machts de Oski met sim Werkzüg weder Gsund.
Oski, mer Jungradler und Leiterkollege schänked Dir dadeför e 50-teiligs Werkzügset, dass du eusi Velo au in Zuekunft chasch reparieren und wieder z’Laufe bringe.
Im Detail send da die wichtige Sache wo Du bruchsch:
- En Schribstift und e Notzlizblöckli, dass der alli wichtige Mass vom Velo chasch ufschribe.
- Schlitz-Schruubezieher i allne Grössene, damit au alli Schrube fest hebed.
- Chrüz-Schruubezieher zum istelle vo de Gangschaltig.
- Farbigi Imbusschlüssel wome cha für Sattel, Pedale, Bremse oder Lenkermontage bruche.
- Pedalschlüssel zum Wechsle vode Pedale
- Klemm- und Bisszange zum Festhebe vo Teili oder zum Ablänge vo Kabel.
- Es scharfs Messer, zum Abschnide vom Lenkerband.
- E Veloflickzüg zum stopfe vode Löcher ide Schlüüch.
- Es Klebband für’d Montage vode Rahmenummere.
- Sicherheitsgofele fürd Startnummeremontage.
- E Brille dass au jo nie de Öberblick verlürsch.
- Und zum da ganze vele Werkzüg versorge bruchsch natürli no e schöni Werkzügchischte.
Impressionen
